「三嫂」戚美珍早前接受有線節目訪問，暢談與三哥苗僑偉相戀趣事，她自爆三哥早就留意她：「我近年至知，當年我o係廣播道排隊報訓練班，佢係上一屆學員，負責維持秩序時，留意到我幾靚女，我問過佢有無咁o既事，佢死口唔認。」

兩人相戀30年，原來曾分手：「我o地常常嗌交，分o左手後佢仲好殷勤咁接返工放工，我叫廖安麗同佢講，叫佢唔好再追我，我一世都唔會再鍾意佢，結果我自打嘴巴！」