保華集團(498)將喺兩個星期後舉行EGM,表決出售洋口港,又係時候。保華啱喺月頭公佈,出售祖國洋口港絕大部份權益(50.1%),總代價17.73億港銀,兼會喺3月14日EGM表決。計計數,洋口港為保華每股潛在變現現金,高達0.39元,高過集團現價0.315元。若果呢壇製作(包括EGM在內)順順利利,保華去到今年尾嘅變現回籠,好豐厚,日後亦繼續享受洋口港所剩餘近10%權益,帶嚟嘅增長成果。又就算保華經呢次資產出售後,無特別派送,集團keep住銀彈,去發展原有或其他新業務,一樣無壞。再講,保華經呢期調整,現價相對NAV每股0.97元,折讓高達67.5%,又係吸引到痹。呢轉博保華NAV收窄到50%,價見0.485元,保華現價講緊要翻半番,折讓仲係好吸引。