香港民族陣線發言人梁頌恆認為,今次本土年輕人肯化解分歧,再投入戰線,相信是今次事件遇上天時之利,民氣剛好能重新凝聚,「過去幾年低潮大家要唞唞,家陣剛好有番啲電就可以出嚟」。至於為何部份本土、自決派人士,肯暫時放下與民主派分歧齊心抗共,「因為共同敵人起團結作用,大家又知今次嚴重性,有乜都打完仗先啦!」
理大社會政策研究中心主任鍾劍華教授認為,送中惡法一次過把港人對大陸的不信任及中國司法不公等作大攤牌,「點解啲人出番嚟?因為呢個政府太可惡囉!」又稱今次反惡法,其實是另一種本土思潮變奏,「一國兩制、港人治港本來都只係等香港唔好變大陸,今次打破個防火牆,所以今次公民力量重新起動,冇乜分歧」。
■記者陳珏明