踏入12月，一眾打工仔本來期待派完花紅好過年，但和記電訊（215）員工可能冇咁好彩啦，年尾慘食無情雞。有和電員工向《蘋果》報料指，今日早上開始，在和電青衣總部出現大裁員，涉及數十名員工，當中更包括一些坐房的中層，甚至「成條team剷」起，入房收大信封後更加是要即走，冇得留低。

該名員工指，自己雖然未有未裁，但擔心隨時會被叫入房收信封。又指，不少同事都有家庭，年尾被裁對其生活做成很大壓力。