香港近日發生太多事情,無論係新聞自由遭扼殺、何韻詩因為政治因素被取消演出、暗角七警事件,以至銅鑼灣書店事件,港人嘅自由同尊嚴都遭受嚴重踐踏。一向敢言嘅王宗堯,見土生土長音樂人陳詩慧近日創作英文歌《We're Not Afraid》,激勵港人抵抗強權嘅勇氣同決心,佢就自薦為MV執導,而呢首歌,會喺7.1推出。
《We're Not Afraid》預告宣傳片噚日網上搶先睇,由雨傘革命開始到獅子山下作結,中間穿插何韻詩接受英國廣播公司(BBC)訪問、林榮基講述銅鑼灣書店事件等新聞畫面,而《蘋果日報》職工會、香港空中服務員工總會都有協助拍攝。