政府為力谷政改諮詢，早排九唔搭八，搵嚟環境局局長黃錦星拍片，指聖誕派對要「惜食」，再無厘頭連繫到市民要珍惜發言機會後；噚日則「八九不離十」，搵來有「儍強」之稱的財經事務及庫務局局長陳家強（圖），騎呢Sell政改。
平日表情木獨的陳家強，喺片段一開始，就指「好多人問我投資心得，投資梗係講分析啦……投資要把握時機，政改都一樣」，隨即呼籲市民藉政改諮詢提出意見，再以新年賀詞口吻埋尾，「有商量，國泰民安；齊參與，駿業鴻圖」，真係知嘅會俾佢悶死、唔知嘅就俾佢笑死，睇嚟陳局長得閒真係要搵正版「儍強」杜汶澤惡補吓演講嘅技巧。

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange