翁虹今晚都有出席「藝進情濃30載」在九龍灣舉行的晚宴，同場還有鍾景輝、胡楓、譚玉瑛、馬德鐘、李國麟、廖偉雄、吳博君等人，副會長黃澤鋒指55圍晚宴估計可以籌到60萬。

黃澤鋒又指，今晚有不同屆的同學出席，相信是最多人出席的一次，又指本來發哥周潤發都有機會出席，但因為拍戲受傷。黃澤鋒又指：「我覺得佢好本事，好似藝進同學嘅人一樣，戰到最後，祝佢早日康復，越嚟越紅，紅到宇宙。」

很久沒有露面的翁虹，今晚現身表示久不久也會回香港，因為父母已經90歲，所以會回來陪他們，問到會不會回流，她說：「我冇限用咩形式嘅，不過香港係我嘅家，廣東話係我嘅母語，如果有適合嘅角色、團隊，都會返嚟。我近年都主要喺內地工作，我個囡囡今年12歲，我哋有個協定，佢放假我就要放假，佢返學我先開工，一年最少都有兩次家庭聚會。」翁虹又指自己今晚買了一張枱，因為是她入行30年，覺得很有意義，因此支持一下。她又透露最近有一個香港的工作，是關於澳門的劇，現時在看劇本後再決定會不會接拍。

另外，發哥家姐周聰玲今晚也有出席，問到發哥受傷一事，她說：「完全唔知呢件事，喺記者口中先知，知道咗梗係擔心，不過佢身邊有好好嘅醫生同醫護人員幫佢，香港係一個文明社會，而且佢又有好多朋友同粉絲。」問她會否致電發哥？玲姐說：「問候就冇，佢有好多公關經理人，要經過好多重，等佢全程投入做嘢，佢身邊嘅人就會幫佢。」會否叫發哥休息？她說：「咁要睇佢情況，嚴重嘅梗係要休息，如果只係皮外傷，佢係一個好活躍嘅人，就冇問題。拍戲成日會有唔同意外，只要唔係太嚴重就冇問題，希望佢身體健康，早日康復。」

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018