韓國唔少男星女星0依家都愛轉攻內地拍劇拍戲，好似權相佑咁，佢所屬嘅事務所就確定佢將會演出內地電視劇《好久不見》，並會飾演男主角趙成俊，呢部劇會以大馬做歷史背景，講述兩代人嘅起伏跌宕人生，劇本係改編自人氣小說《北海戀人》，預計下月喺廈門開拍，之後再分別到深圳、韓國同馬來西亞等地拍攝。

而韓劇《愛上Pinocchio》男星李鍾碩拍畢劇集後，一直未有新作品，噚日韓國方面就有消息指佢會演出新劇《BeautifulMind》，呢部係一齣醫學劇集，李鍾碩將會飾演無法感受到感情嘅天才神經外科醫生，對於會唔會接拍，李鍾碩方面就話：「《BeautifulMind》只係眾多出演邀請提案之一，目前只係喺探討階段中，仲未做出任何決定。」