由郭偉亮(Eric)、崔碧珈(Anita)、林雪同馮淬帆主演嘅黑色喜劇《老笠》將喺周四(14日)上演。戲中飾演黑社會大佬嘅郭偉亮，同飾演醫生嘅崔碧珈有多場埋身肉搏戲。二人除咗車震gathering外，人夫仲會摸崔碧珈36G澎湃上圍，夠晒火辣辣。

當中一幕，Eric要喺浴缸同着住粉紅色DeepV喱士睡衣嘅崔碧珈大玩鴛鴦浴，極之香艷。享盡艷福嘅Eric就話：「Anita一定係我最好嘅女對手，喺戲入面任勞任怨，聽哂我話！我話去左邊佢唔敢去右邊！有呢啲極品女朋友真係好幸福呀！嗰一場戲係我最有romantic感覺嘅一場戲。」

至於喺戲中，畀Eric揸乾揸盡嘅Anita就講：「好榮幸可以同傳說中嘅IronMan合作，雖然喺戲入面俾呢個衰人壓榨，但其實佢真人係有gentleman，喺片場都好照顧我！呢場戲拍攝時候非常辛苦，係我哋喺浴缸中好激動嘅深情肉搏，亦因為呢場埋身激戰，改寫咗我哋嘅命運！」