【逆權運動】何韻詩指香港人正在喚醒世界 堅信改變將會到來
蘋果日報 2019/09/18 12:02
聽證會CECC美國何韻詩
網上圖片
何韻詩於香港時間周二（17日）出席美國國會及行政當局中國委員會（CECC），就香港問題舉行的聽證會。發言時她表明希望美國CECC的成員，能夠向自由和高度自治被侵蝕的香港人伸出援手。
今早，何韻詩更新IG並留言，指她希望有將大家的聲音帶到美國國會CECC聽證會。她寫道：「老實講，唔係最擅長做嘅事，但同好多香港人一樣，喺呢場運動大家都係邊做邊學，盡自己最大能力去完成每一次、捉緊每個機會，多謝你地嘅堅持令我都能繼續迎難而上。同朋友講笑，好似而家先嚟讀返大學寫論文做presentation咁，呢三個月可以話集體極速成長。」
何韻詩續指：「今日到呢度都係以自己個體嘅身份去參與，同時亦代表運動入面來自不同階層角色千千萬萬個你同我。政制以外、政治以外，其實我從來最關注都係人，人民嘅意志能推翻一切不公義、改變一切不可能，只要我們仍然在一起。」
「大家要明白，香港人正在喚醒世界。雖然每日要面對嘅事如此難堪，但相信我，有很重要嘅板塊正在移動，再多堅持一會，改變會到來。香港人在這場global fight嘅最前線，帶領世界捍衛我們的普世價值。」最後，何韻詩表示要謝謝各位包容，「有任何做得不足請指點，未來會繼續努力改進。香港人加油，願榮光歸香港。」
何韻詩認為香港人正在喚醒世界。
除了何韻詩，黃之鋒（左）都有出席聽證會。
有份出席聽證會的張崑陽，在IG Story上載與何韻詩的合照。