【本報訊】立法會主席曾鈺成接受傳媒訪問時指,特首普選應低門檻、寬鬆入閘,指中央若拒納民望高候選人,或要賠上選舉認受性。問及特首梁振英能否成功連任,曾鈺成拒直接表態,「董先生都答你唔到,梁先生都答你唔到」。
曾鈺成指提名機制「由入閘到出閘嗰個程序先最緊要」,倡低門檻、寬鬆入閘,若參選人民望高,中央難以不接受:「咁咪有個政治風險喺度囉,係咪?你如果一個咁樣嘅人物,到時係壓倒性香港嘅市民都話最支持,而竟然喺呢個提名委員會出閘時被篩走,咁呢個本身,第一,你賠上咗成個選舉嘅認受性。」
曾稱不知中央會否接受其建議,「咁先要傾嘛」,強調「如果呢樣嘢中央都落埋閘,2017年之後點算……乜都冇,到時你(泛民)反對都唔遲」。