周六東京網賽，衞冕嘅「丹麥甜心」禾絲妮雅琪喺女單四強，只打60分鐘就以直落兩盤6:2同6:0擊潰現任一姐、西班牙球手梅古露莎喺，躋身決賽。值得留意嘅係，禾琪今年六次打入決賽都屈居亞軍，唔知佢可唔可以打破二奶命，今季首次捧盃。

至於世界排名跌到落14嘅德國球手姬芭繼續頹勢，佢喺同日另一場四強激戰2小時08分後，以0:6、7:6、4:6不敵世界排名23嘅俄羅斯球手柏芙理尤珍高娃出局。