27歲姓凌的降頭師藉性交法事可轉運與女事主性行為，昨日（10日）被警方拘捕，但他開設的ig，至今仍未刪除。

凌姓「降頭師」在ig宣揚情降，追蹤者亦高達25萬人，大部份為女性。凌亦follow了不少女星及名人，就連梁齊昕、朱千雪、吳嘉熙、何超蓮、吳若希等都有，他follow的人高達5,500人。

凌氏喜歡與女信眾合照放上ig，當中有女藝人及模特兒，塑造很受女性歡迎的形象，曾拍攝電影《喜愛夜蒲2》及《鴨王》的模特兒伍淑怡（YoYo）亦有與之合照，她接受《蘋果》訪問時稱，今年7月時經友人介紹到凌的佛舍影相，聲稱可獲4位數字的酬勞，但她抵達佛舍後，感覺該處「令人唔舒服」，又稱事後已沒有與對方聯絡。（新聞連結：　 http://bit.ly/2zg1kFJ ）

另一位有份上鏡，還有22歲C奶「0靚模」姚芷茵（Bonnie）合照，Bonnie曾經拍電影《有客到》，戲中慘遭Eric Kwok姦屍。

Bonnie接受《蘋果》電話訪問表示：「佢係我朋友嘅朋友，經我嘅朋友介紹，上咗去舖頭幫佢哋影相宣傳，但我講到明，唔會喺自己喺Ig或facebook po，我只係上過去一次。」

問到有冇搵降頭師做法事？Bonnie話：「冇做過任何法事，只係上去工作影相幫手宣傳咋。」有冇人向她提出可以性交轉運？Bonnie表示：「冇吖，但佢提過好多女仔同男友分手，都會搵佢做啲法事，但冇提過信交轉運呢樣嘢，同埋聽我朋友講，佢都幾多女信眾。」

Bonnie指當日影完相大約半個鐘走：「佢冇講任何嘢，但之後加咗我微信囉，我都冇乜點同佢聯絡，佢喺微信同我講嘢，我都係敷衍答佢，佢都有問我會唔會再上去？我話我好驚唔會囉。」