翻查數據，上季由華將大勝(拋離對手三身位或以上)嘅馬，再出捧Win都係制唔過。相信主因係華將始終冇外籍大師傅咁有分寸，尤其見習生，好難做到點到即止，保留馬匹實力，大勝反而導致加分太多，減低再出連捷機會；亦可能華將胯下馬匹大勝，只係同場對手太水，並非頭馬實力超級。

上季由華將大勝完再出仲可入Q之馬，分別有「超好玩」同「阿凡達」，已是成績較好兩駒。其他如「精算追擊」、「步步領先」、「恆駿寶駒」、「運財之星」、「魅力之子」及「亞馬寶寶」，再出全部輸晒。仲有一匹「萬馬奔騰」上季由蔣嘉琦大勝「快無極」三又四分一馬位後未再上陣，新季初看來暫時不宜睇得太高。