章小蕙餐廳搵食 拋白滑胸
蘋果日報 2014/04/14 00:00
【荷李活道】潮流呢期興美魔女，其實除咗景黛音同羅霖之外，50歲嘅鍾鎮濤前妻章小蕙不論樣貌同身材都keep得相當唔錯，美魔女又點可能冇佢份？上星期五大約9點鐘，章小蕙同好友盧覓雪喺上環出席完時尚教母黎堅惠嘅追思會之後，喺荷李活道一帶搵嘢食，但睇咗幾間佢哋都唔啱心水，於是盧覓雪開車車章小蕙去前少少位置開餐，不過，當日章小蕙着住對4吋高踭鞋，見佢行樓梯級上車嗰陣都好小心翼翼。
【俯身吹水】
章小蕙俯身同盧覓雪傾偈，艷光不減當年。
章小蕙俯身同盧覓雪傾偈，艷光不減當年。
除褸晒臂
章小蕙佢哋最後揀咗喺Classified開餐，兩個人坐咗喺門口位置，估唔到章小蕙一坐低就大解放，佢輕托香腮同盧覓雪吹水嗰陣，拋咗兩個半球出嚟，加上佢皮膚夠白淨，夜麻麻睇落去真係相當養眼。章小蕙越講就越興起，之後佢睇餐牌嗰陣，仲「興」起除埋件外套，露出白滑手臂，難怪不時有途人眼甘甘望住佢啦。不過，唔知章小蕙係咪發現俾周圍嘅人眼𥄫𥄫怕睇蝕，冇幾耐佢又披番件外套，跟住烏低身食嘢嗰陣，仲好小心咁㩒住個心口㖭！而佢哋食到10點幾，盧覓雪就做司機車咗章小蕙去咗貝沙灣，估計章小蕙都係住喺呢度。
採訪、攝影：黃曉程、畢紹基
採訪、攝影：黃曉程、畢紹基
【寬衣點餐】
一時興起除褸睇菜單嘅章小蕙，遭行人眼望望。
一時興起除褸睇菜單嘅章小蕙，遭行人眼望望。
【黐車回家】
盧覓雪揸車接載章小蕙返回貝沙灣。
盧覓雪揸車接載章小蕙返回貝沙灣。
【上落小心】
着上4吋高踭鞋嘅章小蕙要由盧覓雪扶住上落。
着上4吋高踭鞋嘅章小蕙要由盧覓雪扶住上落。
【掩胸吞麵】烏低身食嘢嗰陣，章小蕙仲好小心咁㩒住個心口。