會計師行近年好鍾意出版一啲同運動相關嘅趣味report，Big4之一嘅畢馬威（KPMG）噚日出版咗份本年度嘅球會估值報告，發現皇馬嘅企業價值（Enterprise Value）達到32.2億歐元，超越咗曼聯嘅32億歐元，成為全球第一球會，而拜仁就以接近27億歐元，踢走咗巴塞成為第三，點解會咁架呢？

報告話，皇馬過去3年連續贏歐聯，袋走咗接3.02億歐元獎金，卓越嘅歐洲賽表現令到皇馬嘅商業收入由16年至19年增長達41%，係紅魔鬼嘅1倍。另一方面，曼聯除咗歐洲賽表現麻麻之外，佢嘅企業價值就因為英鎊貶值，大大影響呢間老牌球會嘅身價。

至於拜仁踢得走巴塞，報告就話呢隊西班牙球會控制員工成本不力，每賺1蚊竟然要畀超過8毫嘅成本，而拜仁就控制到每賺1蚊只需要付出5毫，睇嚟巴塞喺買球員方面要留神少少。

李華華