育有兩女嘅趙頌茹，忍痛向傳媒自揭傷疤，指控老公在六月已發生家暴事件，更有人手持利器，最後需警方到場，更出動埋防暴盾調停。但周永恒嘅版本就反指係太太有自殺傾向，並指兩人當日因為太太童年曾遭侵犯一事起爭執，吵大鑊期間女方衝入廚房拎菜刀圖鎅手。

今日周刊更披露，早已知丈夫有婚外情嘅趙頌茹，一直努力維繫呢段婚姻。兩周前，即發生家暴事件前兩日，趙頌茹曾經上過周永恒公司，要求同對方晚膳，但周拒絕。有指當時趙頌茹情緒激動，向周掟茶杯，激動離去，周永恒追出去。其公司職員向周刊透露指大家對此情此景毫不奇怪，因為周永恒兩公婆時在公司吵鬧，只是萬料不到原來背後更發生家暴。