【本報訊】「唔使去（叩門），𠵱家去旅行社，去搵個豪華團（去日本）慶祝吓！」升中派位昨揭盅，不少家長得悉子女獲派首志願學校表現雀躍，甚至喜極而泣。有家長豪言要與兒子到日本慶祝，亦有特意請假的家長得知不用叩門，即與女兒去迪士尼樂園慶祝。
地區名校油蔴地天主教小學本年獲派首三志願比率為83%，首志願則為67%，不乏學生派往傳統名校如瑪利諾修院學校、庇理羅士女子中學、皇仁書院；廖同學獲派瑪利諾修院學校，其母親喜極而泣，「好興奮、好開心，因為（瑪利諾修院學校）收一個……不嬲個女成績都唔錯，不過始終都係名校，多人爭」。

籲毋須刻意操練子女

家長高太得知兒子成功升讀首志願聖芳濟書院後，亦笑顏逐開、興奮高呼，更豪言會帶兒子到日本旅遊慶祝，「放心晒呀𠵱家！原本都唔敢去報（團）住嘅，攞晒啲資料諗住一陣間要跑（叩門）㗎喇，點知唔使喇𠵱家」。
她又指兒子未有補習，呼籲家長毋須刻意操練子女，「佢覺得舒服、讀得開心，同埋佢攞到佢嘅信心，我覺得好緊要」。
獲派首志願學校的趙同學亦對結果滿意，兩父女喜上眉梢，趙生更稱會立即帶她到迪士尼樂園慶祝，「本身如果要叩門就安排唔到，但𠵱家唔需要，就可以去迪士尼喇」。楊同學獲派名校庇理羅士女子中學，興奮展示派位表，她表示：「考得好好，讀庇理羅士，係我第一志願，最想多謝媽咪。」
■記者葉偉東