韓國天團BIGBANG成員太陽近日正展開世界巡迴演唱會，當中香港站會喺本月24號舉行。

而太陽之前喺美國加州聖荷西（San Jose）開騷時，就被粉絲拍到雖然流緊鼻血，但仍然如常落力演出，相當專業。根據現場粉絲指，當時太陽正在喺台上落力演出，佢疑因唱得太投入關係，唔小心將支Mic Stand扯咗埋嚟，剛剛就撞正佢臉上，當時大家都未發覺有嘢，太陽亦笑笑口繼續演出，但有粉絲就從大銀幕中見到太陽應該撞到個鼻，左邊鼻孔仲即時流鼻血，即時嚇壞粉絲。

不過太陽就真係好專業，佢未有因為流鼻血而暫停演出，反而繼續又唱又跳，令台下粉絲拍爛手掌。而太陽嘅隊友G-DRAGON早前亦曾試過喺演出時被咪撞到嘴，同樣搞到嘴唇破裂。