一向強調走實力派嘅呂方，人到中年，除咗多咗一陣佬味之外，仲附加一個大肚腩，不過佢o依然係唔會因為大家話佢肥，而減肥嘅！

近傍晚，見呂方單拖現身中環ifc，除咗買一人份量嘅食物，仲一個人買飛入戲院睇戲，真係「巧」lonely呀！

先係咁嘅，戴住黑框眼鏡嘅呂方，先喺超市外部專賣沙律麵包嘅玻璃櫃望咗一輪，個樣流晒口水咁，最後揀咗大大份三文治。拎咗飛之後，就行去凍櫃揀咗罐可樂，然後去排隊畀錢，承惠$76蚊，畀完錢就返去拎麵包。

跟住呂方就行去隔籬間戲院，一個人買飛入場睇戲，究竟一個人睇戲，抑或已經有朋友入咗場等就唔知喇！不過得一罐可樂一個包，係一人份量喎！

話時話，戲院唔俾帶外邊食物入場㗎！不過呂方將飲品同食物放咗入黑色大背囊入面，收埋咗見唔到嘅，就算係都可以臨入場前食完先嘅。