日本當紅偶像小嶋陽菜已宣佈退出AKB48，噚日佢再度訪港，逗留短短10小時，當佢性感出席完尖沙嘴舉行嘅「TheONEx櫻桃小丸子MammaMia得意之旅」活動後，換回來港時穿嘅輕便打扮去醫肚。

小嶋陽菜闊別香港4年半，佢離港前果然去擦本地美食，亦由王友良一盡地主之誼帶陽菜打邊爐。噚晚約10點15分，陽菜、王友良到尖沙嘴iSquare嘅不倒翁食火鍋，佢由經理人及黑人保鑣護駕，當發現有記者時，陽菜卻相當友善，更任影唔嬲擺出勝利手勢，還刻意拎轉身展示孭住嘅小丸子背囊。噚晚撞正黃色暴雨警告，全港錄得5000次閃電次數，陽菜坐在維港前邊閃住打邊爐，佢都有喺Twitter上載照片，更對象拔蚌情有獨鍾。食飽飽後，陽菜即前往機場，繼續孭住小丸子背囊嘅佢未現疲態，臨入禁區還轉頭跟Fans道別，十分親民。