【短片】年初二機場發老脾 陳奕迅現身：我唔係特登發脾氣…
蘋果日報 2014/02/24 06:00
中環機場陳奕迅阿徐旗艦店何志恩開年Johanna
今日出席好友旗艦店剪綵就笑晒，但年初二現身機場就同記者開年。(攝影:陳慧安、仇志德)- 其實新正頭大家都想平安大吉收工，返屋企同家人高高興興團年，而唔係俾人開年0架。
- 當日機場發晦氣，阿徐都拍一拍阿臣，想令佢冷靜一下。
- 但似乎冇乜用。
- 今日阿臣同阿徐以夫妻裝造型現身，撐好友新店開張。
- 四萬咁口。
- 笑晒嘅阿臣仲主動提起年初二機場發火單嘢，表示:「上年覺得唔順，但過咗啦，馬年順番。」又話自己唔係特登發脾氣。
陳奕迅(Eason)同太太徐濠縈、楊千嬅、蘇永康、郭偉亮夫婦、馬詩慧與琦琦等，今日齊到中環撐好友何志恩嘅JohannaHo旗艦店開幕，Eason同阿徐穿上粉紅色夫妻look現身，相當甜蜜。
Eason自言Johanna係佢嘅好朋友，今次與太太同場兼擔任剪綵嘉賓，不收分亳。Eason話：「要收錢嘅咩？咁friend唔使，有靚衫送就得。」咁係咪首次以夫妻裝打扮現身？佢就話：「冇，係老闆揀嘅。同Johanna識咗好耐，10年開始我嘅演唱會都係佢幫我造衫，已經60幾場，我亦都係佢兩個女嘅契爺。」
Eason現場又不禁撳掣，重提新年時喺機場向記者發脾氣單嘢。當時Eason見大批記者影康堤，於是有啲晦氣咁話：「你哋真係唔顧及小朋友感受，唉。」其後又表示：「新年快樂呀見到你哋。」現場有記者表示「大家咁話」時，Eason突然扯火：「大家咁話？咩叫大家咁話呀？」阿徐即托下老公隻手，示意佢唔好發脾氣，記者就答佢：「新年快樂。」Eason唔知係咪有所誤會，佢話：「我話唔顧及(小朋友感受)，你話大家咁話？」
今日Eason就解話話喎：「上年覺得唔順，但過咗啦，馬年順番。我覺得社會變緊，自己有神經質，你話我落機就開年，係咪暢快呢？我唔係特登發脾氣，阿徐叫我跑步就唔會咁。」見佢情人節前兩日真係有陪阿徐雨中跑步，唔知有冇幫助呢？
Eason自言Johanna係佢嘅好朋友，今次與太太同場兼擔任剪綵嘉賓，不收分亳。Eason話：「要收錢嘅咩？咁friend唔使，有靚衫送就得。」咁係咪首次以夫妻裝打扮現身？佢就話：「冇，係老闆揀嘅。同Johanna識咗好耐，10年開始我嘅演唱會都係佢幫我造衫，已經60幾場，我亦都係佢兩個女嘅契爺。」
Eason現場又不禁撳掣，重提新年時喺機場向記者發脾氣單嘢。當時Eason見大批記者影康堤，於是有啲晦氣咁話：「你哋真係唔顧及小朋友感受，唉。」其後又表示：「新年快樂呀見到你哋。」現場有記者表示「大家咁話」時，Eason突然扯火：「大家咁話？咩叫大家咁話呀？」阿徐即托下老公隻手，示意佢唔好發脾氣，記者就答佢：「新年快樂。」Eason唔知係咪有所誤會，佢話：「我話唔顧及(小朋友感受)，你話大家咁話？」
今日Eason就解話話喎：「上年覺得唔順，但過咗啦，馬年順番。我覺得社會變緊，自己有神經質，你話我落機就開年，係咪暢快呢？我唔係特登發脾氣，阿徐叫我跑步就唔會咁。」見佢情人節前兩日真係有陪阿徐雨中跑步，唔知有冇幫助呢？