英超|孖巴克里倫敦慶生開Party 基亞利殊又違禁
英超基亞利殊巴克里武漢肺炎阿士東維拉
維拉隊長基格利殊(左)同隊友巴克里被捉到喺倫敦一餐廳開P。
英國封城令雖然喺上個禮拜已經結束,但係當地仲實施緊三級制封鎖措施,而總係有啲英超球員不甘寂寞,疫情底下都仍然要開P。好似阿士東維拉隊長基亞利殊(Jack Grealish)同中場巴克里(Ross Barkley)咁,佢兩個就畀人捉到喺倫敦著名嘅豪華地段梅費爾(Mayfair)開party,違反咗當地嘅防疫條例。
上個月底又衰不小心駕駛被警方起訴嘅基亞利殊,今年三月已經違反過封城令,去朋友屋企出席party。今次佢就同巴克里同其他朋友,去到梅費爾嘅Bagatelle餐廳到狂歡,餐廳入面人頭湧湧。呢位「維拉周柏豪」想幫巴克里慶祝佢27歲生日,成班人開香檳又飲伏特加,飲咗一個下午都未夠喉。同行友人都忍唔住話:「佢哋唔諗下周圍都有疫情,仲咁肆無忌憚開派對,啲職員都戴晒口罩,但基亞利殊同巴克里就冇。」亦有片段影到巴克里同一位男子嘈交,而基亞利殊除咗跳舞,亦有同兩位女士傾計,在場嘅其他人都有擊掌同攬呢啲密切接觸嘅動作。
維拉原定禮拜五英超要對紐卡素,但呢場比賽
因為對手隊內爆發武漢肺炎而宣佈延期,兩位維拉隊員就去狂歡解悶。但係疫情屬於第二級嘅倫敦市,防疫條例講明「禁止同一啲非同住者或者唔係你生活圈子入面嘅人,喺室內地方包括住所同公眾地方,進行社交活動」,巴克里事後已經道歉。
----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。
-----------------------------
-----------------------------
-----------------------------