冇錯，生日係大晒，而且仲好有艷福。好似志偉咁，牛一有tvb同佢慶祝，一眾影視紅人都嚟祝賀，三色台嘅當紅花旦就當然要出席啦！不過越夜就越多人，想入場要排隊添呀！

沈卓盈沈大師雖然冇好似高海寧咁，一早搶咗「頭啖鏡」，但都唔執輸，佢到場嗰陣喺喬寶寶後面，沈大師見佢哋兩個「攬攬」咁開心，就跟住熊抱咗志偉一吓。嘩，志偉就好啦，又有高Ling嘅玉背，又有沈大師嘅「攬攬」，一眾港男實羨慕死！

不過唔好唔記得，仲有「索腿天后」陳敏之，今朝先「些牙」完素顏照，夜晚就「出動」，睇嚟佢精神唔錯，希望佢聽網民話，唔好玩咁夜呀！