《Football Manager》係風靡全球嘅遊戲，近年都甚至曾經有球會請過FM專家去教波，不過有冇見過求職廣告上面出現請領隊一環？

英格蘭第5級別球會車士打，噚日就喺官網出post求一隊領隊，人工視乎經驗，要求就最好有至少喺英乙或以上聯賽做過嘢嘅經驗，並且要喺足球圈有良好人脈，仲要對本土社區有使命感，以及曾經係成功領袖嘅紀錄等等。如果符合咁多條件，仲要去業餘球隊做？

不過呢隊波而家經過8輪得1勝4和3負排尾4，不過其實距離升班附加賽只係5分，而且一升班就係變做職業聯賽嘅英乙，有志之士不妨一試！