【李美慧出嫁】37歲陸詩韻做姊妹 與富商舊愛曾文能撞到正

蘋果日報 2018/06/03 16:14

陸詩韻曾文豪曾文能李美慧
    31歲落選港姐李美慧今日下嫁56歲富商曾文豪，一對新人跟足習俗，有晒接新娘環節，先去行禮簽紙。一對新人當然同兄弟、姊妹團大合照，當中姊妹團全部都係李美慧喺演藝圈中好友，包括陸詩韻、楊埕、郭千瑜同梁麗瑩等。
    一對新人畀咗幾張今朝接完新娘嘅相畀傳媒，當中有一張係兄弟同姊妹團嘅大合照，原來兄弟團入面，曾文豪兩個女婿，即係大女曾昭怡老公郭俊賢、二女曾昭亮外籍老公EL-AZAR,KARIM NAJI(倪嘉廉)等，而曾文豪嘅細佬曾文能亦有份做兄弟，佢哋影大合照時，曾文能仲企喺舊愛陸詩韻後面，不過之前陸詩韻已經同過傳媒講，二人雖已分手，不過間唔中仲有見面，所以婚禮見面都唔會尷尬，即係分手亦是朋友嗰種。
    曾文能與哥哥曾文豪係父親曾紀華二房馮婉琳所生，曾文能離婚後曾與圈中女星周汶錡、何紫綸同陸詩韻傳緋聞，佢01年因盜用惠揚港口八千多萬元被控盜竊及造假帳，被判入獄六年。07年，曾文能與陸詩韻被傳媒影到同遊日本，戀情曝光，拍拖1年分手。

    精選娛聞，喺晒《娛果》
    http://fb.com/appledailyent
    empty
    陸詩韻幫李美慧做陪嫁姊妹，同舊愛曾文能(左上)撞到正。
    empty
    曾文豪兄弟團入面，有兩個女婿同細佬曾文能出任。
    empty
    姊妹團就有陸詩韻、楊埕、郭千瑜同梁麗瑩。
    empty
    一對新人上車出發去行禮。
    empty
    李美慧同曾文豪全程流露幸福笑容。