韓國神劇《太陽的後裔》嘅宋仲基及宋慧喬，將於下月31日結婚，兩人前日被影到飛去美國，疑似係拍攝婚照。今次係二人公開婚訊後首次被影到合照，令一眾雙宋粉絲非常興奮，更有網民公開返之前宋仲基跟家人去日本旅行時嘅舊照，以及宋仲基抱姪仔嘅照片。

宋仲基出名鍾意小朋友及充滿父愛，於公開嘅照片中，宋仲基一面寵溺地抱實姪仔，似乎仲想咀姪仔嘅額頭。另一張照片中，宋仲基就咬姪仔嘅手，姪仔就露出燦爛笑容，場面溫馨。

雖然宋仲基早前接受韓媒訪問時，表示未有計劃生B，反而繼續事業心好重話會計劃接拍下一部作品，不過宋仲基咁鍾意小朋友，粉絲都好期待見到佢做老竇嘅一日。