【榴槤月餅】榴槤流心鬥奶皇月 邊款出品最重口味？
蘋果日報 2018/09/07 14:05
月餅榴槤榴槤月餅
除了奶皇月餅外，亦有不少品牌推出榴槤月餅。
奶皇月餅繼續炒得有價有市，但最近有網友苦呻辛苦買來的奶皇月餅，竟然出現霉菌，令人大失所望。不想搶完得個吉？其實中秋節除了奶皇月餅外，坊間亦有不少品牌推出「重口味」榴槤月餅，若然你是榴槤迷便不妨一試了。
主打榴槤產品的醉榴香，今年除一般榴槤月餅外，同時亦有全新榴槤流心系列，用上馬來西亞D24榴槤，流心效果最明顯，加上外層榴槤餡皮，味道最濃，記者評為最重口味之選。若然怕D24榴槤的味道太濃，品牌亦有推出D13榴槤月餅，適合初嘗榴槤的人試食。在美食博覽曾以買月餅送貓山王榴槤作招徠的金月堂，月餅於馬來西亞生產，並以貓山王榴槤為餡。因為月餅沒有流心的榴槤醬餡，因此口感雖香濃，但味道則較前者流心版本為弱。除傳統月餅品牌外，糕餅界代表Tony Wong亦有推出手製貓山王榴槤流心月餅。月餅的流心內餡配上朱古力脆皮外層，口感特別，感覺不像吃月餅，反而像吃甜品一樣。除榴槤流心款外，套裝同時亦有朱古力橙軟心月餅，但或因兩款月餅放在一起的關係，獨立包裝的朱古力味月餅仍然能嗅到少許榴槤味，抗拒其氣味的讀者便要注意。
記者：沈敏怡
醉榴香D24榴槤流心月餅（6件裝），$290。（醉榴香官網圖片）
金月堂貓山王榴槤月餅（6件裝），＄398。（金月堂官網圖片）
Tony Wong雜錦軟心月餅禮盒（4件裝），$338。（Tong Wong 官網圖片）