當年今日
關於我們

有份操冇份跑!田泰安痛失極具潛質新兵

蘋果日報 2017/04/09 08:16

梁家俊田泰安飛速雅迪靚跑得維省議員

做騎師最痛苦,莫過於有份操冇份跑,好似今日(9日)第五場三班1000米直路賽隻新馬「靚跑得」咁,贏唔贏得要跑過先知,但晨操就十分搶鏡,起碼用田泰安試兩次閘,贏來都清脆俐落,不過今次首度上陣,就配冇操過之Derek仔梁家俊,反而田泰安就騎於延遲截止報名期間加入,賽前亦冇操過之「開心有你」。
3歲的「靚跑得」來港前曾於澳洲考菲爾德1200米三級賽藍寶石錦標得第二,頭馬「飛速雅迪」其後贏一級賽古摩亞育馬場錦標,而該役季軍「維省議員」剛贏1200米草地國際二級賽皇治錦標三歲馬短途賽,「靚跑得」現評二班85分,跑三班可謂大利。
「靚跑得」並非田泰安棄騎,只係馬主阿James劉寶文與太太吳慧思,一心支持梁家俊,貪佢騎得又好鬥志,同主隻「馬跑得」亦歸咗梁家俊主理。今戰「靚跑得」出王牌唔似熱身咁簡單,話唔定好似「馬跑得」咁,初出即有表現。