今日鄧兆尊、黎曉陽同羅啟聰等等，去到觀塘海濱為12月舉行嘅《我的未來不是夢》音樂會擔任啟動禮嘉賓，呢個音樂會將會為內地山區學童籌募獎學金，而兆尊就會為呢個音樂會擔任司儀。

早排鄧兆尊為父親已故慈善伶王新馬師曾嘅遺產稅高達8,000萬，向高院提出上訴，兆尊話：「進入咗程序唔方便講太多，都係交畀妹妹處理，好小事啫，我覺得正確嘅嘢就支持佢做。」至於事前有冇同妹妹鄧小艾商討？兆尊就笑住話：「我梗係唔話你知啦！其實我先係幕後黑手。」

兆尊講到陳國邦離開無綫，佢認為出去闖係好事：「我都做咗好多年，無綫係好多人生活一部份，話佢冇好嘢又唔係，不過係保守啲。」