當年今日
關於我們

【安室引退】小室坦言想再度合作 步姐Ig講呢啲

蘋果日報 2017/09/22 13:18

小室哲哉濱崎步安室奈美惠

【新增內容】日本樂壇天后安室奈美惠出道25年,前日趁其40歲生日公佈明年9月嘅引退消息,驚震整個亞洲區,安室家鄉沖繩考慮向佢頒發沖繩縣民榮譽。而安室已定11月8日推出精選碟《Finally》,其告別騷將假日本五大dome場地舉行。
安室退出歌壇成為日本大事,更令藝能界人士感到可惜,當年一手捧紅安室嘅唱片監製小室哲哉,曾炮製《Body Feel Exit》、《Chase the Chance》、《Don't wanna cry》、《CAN YOU CELEBRATE?》等多首暢銷單曲,小室噚晚都終於透過Twitter留言:「老實說,是首次在工作上感到這樣難以形容的不捨感覺。」小室表示希望安室奈美惠能夠度過呢一段最美好時光。廣大網民希望二人可再度合作,更建議小室為安室炮製最後一張細碟。今日下午,小室出席完米蘭時裝周從意大利返抵日本羽田機場,佢接受在場記者訪問也表明望可以再同安室合作。
與此同時,曾與安室傳不和嘅另一歌壇阿姐濱崎步,都喺Instagram有感而發:「於沒有的地方上,我有我的方式存在,而你,都希望可以保持着自我,無論何時,希望你繼續做你自己。」喺呢個時刻有呢番留言,唔少網民都推測步姐係向昔日事業上勁敵留言打氣。
empty
步姐呢個時候留言,似向昔日事業上勁敵留言打氣。
empty
小室開腔談安室引退,形容感覺十分不捨。
empty
小室今日返抵日本,在羽田機場表明望想再同安室合作。