當年今日
關於我們

TakeABreak:
四啼共舞

蘋果日報 2008/04/22 00:00


打開電視新聞,想話睇吓奧運消息,點知唔係講藏獨就係講送火炬,悶死!
唔係話唔關心,相反我一早就喺MSN加咗「(L)China」,其實每屆奧運總有小風波,之後大都順利舉行。我個心,一早已去咗8月8日,不過地點唔係北京鳥巢、唔係水立方,而係香港。
我會哺住電視睇劉翔跳破世界紀錄,亦會睇中國隊囊括所有跳水金牌。不過要跨的欄高1米1,幾乎到我心口;跳水動作好Elegant,但高台有3米,我諗起都畏高。我最愛的奧運項目是馬術賽,而且是最優雅、人馬合一的盛裝舞步賽!

記者:黃家欣
攝影︰梁細權
人馬鬥靚鬥搶鏡
盛裝舞步的美有兩種:一是動作優美,不明所以的,可以先飛到下文睇YouTube短片先!二是騎馬的裝備,根據盛裝舞步賽的規則,除基本的騎馬裝備︰馬帽、馬褲、馬靴及馬鞭之外,參賽時就要穿整套禮服︰白恤衫、西裝外套及白手套,一副英姿颯颯的模樣。我第一次見到就嗌住要學了。
西方的馬術源於十五、十六世紀,歐洲貴族無所事事,愛以馬術來炫耀財富,後來發展成盛裝舞步馬術比賽,由於初時只限現役軍官參加,所以軍服就成為指定DressCode,𠵱家好多世界賽仍然可以見到高大靚仔的騎師,以一身型爆的軍人Look騎馬,甚至連馬都會扮靚,有啲會梳「菠蘿頭」,或者電鬈毛,有啲仲梳三七分界,實在賞心悅目。
empty
empty
真係唔騎得都睇得!
不過教練都唔鼓勵我哋初學者一來就買晒成副武裝,他說︰「馬帽可以租借,每次只需$10,而馬褲可以運動褲代替,鞋則可選有踭皮鞋,而練習時亦只要穿鬆身上衣便可。」不過我一學已經上癮,每個星期都會上一堂馬術課,於是就走去買基本的私家裝備,如馬帽、馬褲及馬靴等,成套大約$1,500左右。
要做就要做全套,呢啲錢,邊慳得!
empty
■進階的盛裝舞步步法,教練一踢馬腹,馬腳便向橫打開,一步一步向橫行。
empty
empty
empty
empty
人馬合一如跳探戈
上咗YouTube睇片未?係咪好神奇?
起初我同大家一樣,睇到都心諗:有無咁誇張呀?隻馬識得跟音樂跳舞,好似用CG畫出嚟咁輕盈。
但其實真係有得學,初學者就由慢步、快步同快踱三個步法學起,別以為好容易,淨係三個步法,要掌握到馬匹的快慢步速,都要學30堂,然後先可以正式學盛裝舞步,即係學行圓圈、直線等花步,主要是靠勒韁繩及踢馬腹給馬匹指令,除了騎術之外,仲包含馴馬的技巧,最高境界就係做到人馬合一,教練仲示範咗一招「打橫行」畀我睇,佢踢一踢馬腹,馬腳就逐一向橫打開,實在不可思議。不過教練話香港的馬匹很難做到奧運級數的動作(即單腳提腿、坐下等),因為馬術學校的馬匹大部份是來自馬會的退役馬,以速度為主,退役後才訓練成馬術馬,所以較難適應高難度的動作。其實可以控制到隻馬的步法已經好唔容易,可以畀指令隻馬行到圈已超滿足,同埋,咁樣已足夠參加香港區的賽事。
empty
■慢步時四隻馬腳均緊貼地面,腿蹬得較直。
empty
empty
■快踱的時候,馬的四隻腳會躍離地面。
最新回應
empty
Annie︰我都想學馬術,不過閒日朝早要返工喎,點學私人班呀?
empty
Ling︰騎馬係咪好危險㗎?你有無試過跌落嚟?
世界級舞步,必睇!
世界級選手AndreasHelgstrand參加WEG2006盛裝舞步賽的決賽片斷,隻馬真係識跳舞一樣,跟住拍子來跳,神乎其技。
http://youtube.com/watch?v=zKQgTiqhPbw
empty
排期一年等上堂
「貴族玩意,咁收費貴唔貴族先?」我知你實問。
學盛裝舞步學費每堂$360(1小時),每班6人其實不算太貴,難怪咁多人排期來學,新報名要等一年先可以上堂。學校負責人Sam就教我先揀閒日,星期二、四、五早上的私人課學習基本步法,等周末的小組課一有空缺即可補上。其實坊間仲有好多私人的馬術學校,學費都差唔多,有啲仲用機械馬來教,Sam就話︰「揀私家學校最緊要睇師資,馬會3個騎術學校的所有教練都要通過英國馬術協會的助理教練考試,而其他學校的導師則未必有專業資格。」咁馬匹質素會唔會差啲?Sam︰「私人學校部份馬都係由馬會捐贈的退役馬,質素都係差唔多!」咁騎機械馬又學到盛裝舞步嗎?Sam︰「我哋只會俾從未接觸過馬匹的學員騎機械馬,不過都係一次起兩次止,唔會用嚟訓練,始終騎真馬同機械馬有好大分別,而且盛裝舞步好講求感覺,同對馬匹傳達指令,所以不能以機械馬來作訓練。」而我仲參加額外課程學同馬匹配鞍同清潔,每次落堂後都帶我隻馬仔去冲凉,聯絡吓感情,果然我隻馬仔越來越聽我話。
empty
■馬術學校負人Sam指盛裝舞步動作優雅,大受女士歡迎。
屯門騎術學校(24613338)
地址︰屯門龍門路地段45號