數碼通流動電話在何文田政府合署未有網絡覆蓋，客戶要求保留合約，待網絡鋪設後才再用，但數碼通聲稱鋪設網絡申請未獲政府批准而拒絕，但被政府產業署踢爆狡辯，直指曾接獲數碼通有關申請，惟審核期間發現部份需作修改，去年8月已去信要求數碼通修訂，但數碼通一直沒有回覆，致計劃迄今仍未有進展。

「明知嗰度冇線，重藉詞話政府唔批，又唔准客戶保留合約待有網絡先用；根本係離譜！」在何文田政府合署工作的郭先生，本年三月轉用數碼通手機網絡，並簽下12個月合約；但何文田政府合署完全不能接收訊號。
「成幢大廈都收唔到訊號！我每次臨入大廈前一定要飛線去辦公室枱頭電話先得，一唔記得飛線就好麻煩！」

所有樓層收不到訊號
記者到何文田政府合署驗證，甫踏進地下大堂，手機已開始接收不到訊號；再往其他樓層，亦只顯示「Smartone」或「正在搜尋網絡」；根本無法使用手機。
郭先生說，他向數碼通反映十次，每次均覆「冇辦法！至少等半年至九個月先改善到！」由於他每天大部份時間均留在辦公室，故變相不能使用手機，他曾要求數碼通為其保留合約，待網絡改善工程完成再使用，但遭拒絕；職員竟指他可選擇終止合約，但需賠償更改合約的七百元罰款；令他大感荒謬。

要求修訂但無回覆
政府產業署就有關投訴回應本報稱，數碼通確於2002年9月向該署申請於何文田政府合署鋪設網絡計劃，該署當時向多個政府部門徵詢意見，其中建築署及機電工程署經審查後，指計劃內容有部份需作修改，故於2003年8月出信數碼通，要求他們配合才作審核，惟數碼通一直未回覆，致令有關計劃迄今仍未有進展。
郭先生不滿道，「一直話搞梗原來唔覆人，咁部門點會批呢？一味拖咁幾時先鋪到線？畀唔到服務重要客戶賠錢，呢啲係乜道理？！兩期帳單都無端端收多RSVP錢、重有個CSD要收費，兩樣都唔知係乜，又冇申請過；呢啲服務真係不敢恭維！」