「醫護人員、醫院的服務，都係我嘅救命恩人！」今年是沙士15周年，日前謝耀揚牧師偕太太特意到浩園拜祭6殉職的醫護人員，看着他們長眠在這遍冰冷的土地，二人不禁感觸起來，謝牧師哽咽地說：「因為佢哋無私的奉獻，救活咗好多病人。有一班連性命都可以放埋一邊嘅醫護人員，為香港服務，好多謝佢哋！」

15年過去，沙士看似被人遺忘，現時甚少人會提起，但在謝牧師夫婦心中早已烙下「沙士印記」，對一眾醫護人員更懷着感恩的心。「佢哋每日不眠不休咁睇住我哋，從朝早、中午到夜晚，佢哋好似唔使休息咁睇住我哋。」謝牧師坦言難忘在深切治療部的地獄七天，各位醫護給予無限的照顧，「成個過程入面，佢哋係好危險，有啲醫護人員因為咁樣而殉職。我好想去表達我對醫護人員的致敬。」

謝太更對一位在病房負責清潔的嬸嬸感受至深：「佢每日都喺度拖地，都係用消毒藥水、漂白水。當我哋講唔該佢時，佢話『只要你哋早啲出院，我就開心啦！』我真係好多謝佢。」她直言每個人都盡忠職守，當中更有很多無名英雄，「可能都唔知佢個名，但佢哋盡力做到最好。」

這場沉痛的教訓反而令他們得到更多！1997畢業於信義宗神學院的謝耀揚，在沙士後轉往「萬國活石村」的宗教機構擔任港區執行幹事，並於2014年擔任聯合醫院院牧主管。從疫症中走出來，謝牧師明白到從畏懼死亡到不再迴避死亡，而是面向死亡，甚至預備死亡，並深深體會病者的心靈需要。在面對臨終病人的探望過程中，會緊握病人的手，為他們祈禱，希望病人不會跟他當年一樣，臥在病床上，心中仍有一大堆包袱未放下。

感染沙士時經歷整整一個多月，無法與兩名兒子相見，夫婦二人猶記得在家中自我隔離的15天中，離安全期仍有五天，但忍不住兒子的請求，到爺爺家樓下的連鎖快餐店與兒子相見，並以食漢堡包來慶祝。「嗰種劫後重逢，恍如隔世，相見情景至今仍歷歷在目！縱使仍然有一些危險，但見唔到屋企人原來係好難捱，好辛苦。」

經過這次歷煉，讓他們學懂珍惜眼前人，珍惜所擁有的一切，更珍惜一家人的相處。當年兩名年幼的兒子，現時亦已長大成人，謝太笑說：「但無論幾忙都好，一家每周必一起食幾餐飯。食飯時，大人細路都好，必定遠離手機！重親情，懂感恩，已是我家的文化。」

你敢爆，我敢獎！ 即Call《蘋果》24小時爆相爆片熱線 ：63836568