Twins剛剛踏入樂壇10周年，她們日前接受商台錄音訪問，大談感情生活。早前有傳阿嬌同敖犬拍拖，阿嬌澄清說：「我係放假去台灣，咁台灣我有好多朋友，但唔明點解寫得咁難聽。」至於阿Sa同陳偉霆當日被踢爆拍拖，阿Sa就說：「當時未真正一齊，大家有感覺，但未至於拍拖，都係報道幫o左我，因為要回應，所以用一晚時間諗，決定o左（一齊）就公開。要諗大家有冇將來，如果冇就唔好公開，貪玩咩。」