康宏（1019）3訴訟合併案今日在高等法院聆訊。康宏控告新增「玩具大王」蔡志明為被告人，故需時改動入稟狀，7月26日再開庭處理。

蔡志明於去年12月初接受本報專訪時表示，自己並非蔡志明金主，只是試過數次借錢予對方，「只係數億嘅小數目，事後佢連本帶利歸還。」不過大約咗去年10月左右，蔡志明表示，曹貴子連同父母及妻子到他的住所求救：「佢話蔡大哥你一定要幫吓貴子呀！」，不過蔡志明稱當時拒絕了對方：「我話醫生，而家唔係借唔借嘅問題，我話你呃我咁耐，個個都話我係你後台金主，如果我今次再借錢畀你，啲人就會知道我係你後面老細，所以你係自己害自己，我仲會同人講今次一定唔會救你，我救你即係自己害自己！」

蔡志明又指今次不會再心軟，不會借錢給曹，他直言雖然不是大數目，但擔心會再被拉上關係，「我略略同佢諗過，借20幾億應該搞掂晒……但你（曹貴子）呢單嘢幾十隻殼，你害死好多人，淨係一隻康健，加怡（蔡志明女兒）已經喺我面前喊過兩次，你（曹貴子）而家幾十隻，你諗吓幾多人畀佢害咗！」

蔡續稱，事後曹貴子多次發短訊向他道歉，「佢猛道歉，但我唔可以原諒佢！」

蘋果財經，關心你飯碗
http://fb.com/appledailyatm