【H7N9】禽流感上海肆虐 杜汶澤冇有怕 照去﹗
蘋果日報 2013/04/05 06:00
杜汶澤何韻詩H7N9禽流感
杜汶澤包艙赴上海，所以佢冇戴口罩。- 阿澤同霍汶希（左）到餐廳開餐。
- 阿澤大讚點石齋美食，看來心情未受禽流感影響。
- 阿澤帶定口罩傍身。
- 何韻詩上載同金釵們綵排相，有人已戴上口罩。（微博圖片）
- 阿詩星期日會去上海出席新碟簽售會，真係要做足防疫措施呀﹗（微博圖片）
H7N9禽流感肆虐華東，上海、浙江、江蘇同安徽出現疫情，疫情更有南下趨勢，搞到人心惶惶。當中上海至今合共確診六宗個案，其中四人死亡。雖然內地爆發禽流感，但唔少藝人仍然要硬住頭皮返內地開工，好似去年曾患罕有病「米勒費雪症候群」而需休養兩個月嘅杜汶澤，日前就同霍汶希去上海，出席當地電視台慈善活動，據悉阿澤一早應承咗，唔可以唔去。
不過阿澤臨出發前已經睇定醫生，問及有關禽流感一事，醫生叫佢可以照食雞，但當然要煮熟，同時醫生亦提醒佢小心人傳人；而阿澤本人亦提高警覺，戴定口罩坐飛機赴滬，有網友留言叫佢提防H7N9，不過阿澤上機時竟然冇戴口罩，原來同艙只有佢一個人，包艙真疏干。
到達上海後，阿澤會合霍汶希開餐，仲去埋當地著名嘅「點石齋」用膳，阿澤大讚蒸臭豆腐一流，睇嚟H7N9暫時並無影響阿澤心情，點都好啦，外出時戴口罩穩陣。
另外，何韻詩呢排推出新國語專輯《共存》，經常返內地宣傳，近日阿詩又飛到杭州，星期日仲去上海宣傳新碟，之後仲要去西安演《賈寶玉》，相信阿詩經常要往返內地，真係要密切留意H7N9疫情狀況。
「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
公投網址： http://facebook.com/AppleDailyGoldenPlum
不過阿澤臨出發前已經睇定醫生，問及有關禽流感一事，醫生叫佢可以照食雞，但當然要煮熟，同時醫生亦提醒佢小心人傳人；而阿澤本人亦提高警覺，戴定口罩坐飛機赴滬，有網友留言叫佢提防H7N9，不過阿澤上機時竟然冇戴口罩，原來同艙只有佢一個人，包艙真疏干。
到達上海後，阿澤會合霍汶希開餐，仲去埋當地著名嘅「點石齋」用膳，阿澤大讚蒸臭豆腐一流，睇嚟H7N9暫時並無影響阿澤心情，點都好啦，外出時戴口罩穩陣。
另外，何韻詩呢排推出新國語專輯《共存》，經常返內地宣傳，近日阿詩又飛到杭州，星期日仲去上海宣傳新碟，之後仲要去西安演《賈寶玉》，相信阿詩經常要往返內地，真係要密切留意H7N9疫情狀況。
「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
公投網址： http://facebook.com/AppleDailyGoldenPlum