想喺拳壇打開另一片天空嘅前曼聯鐵衛里奧費迪南，為明年2月首戰積極裝備自己，最近網上有片段睇到佢到底有幾博，竟然將50公斤重嘅大餅擺上背脊，喺教練監督同指導下做掌上壓。

里奧上月證實佢場地標拳賽，會喺明年2月正式上演，家陣離拳賽只有個零月，所以除咗返電視台評述賽事，其餘大部份時間都喺度練拳。佢個體能教練、前欖球球員Mel Deane最近就將里奧練拳啲片段喺ig公開，睇完大家都應該確信里奧今次真係唔係玩玩吓，教練將50公斤重嘅大餅砸落里奧個背脊上，然後對住鏡頭做掌上壓。

做完目標10下，里奧都開始頂唔順，成個人趴咗喺地下唞氣，但都要大嗌一聲激勵吓自己。雖然暫時唔知里奧場拳賽贏定輸，但淨係呢種精神，都好值得大家欽敬。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM