阿Webb話,當年老董要連任,唔想有太多震盪,原本港交所決定要取消最低佣金制,但可能有人買咗嗰班身兼選委嘅中小經紀怕,經背後高人發功後,搞到港交所轉軚,話延後一年至取消。佢話今次擱置縮窄細價股差價,同煲呔曾要連任應該有好大關係──都係怕咗班經紀話要上街,拖低佢嘅民望囉。
所以阿Webb話,呢個根本係兩個層次嘅民主問題,一來港交所董事會有一半董事由政府委任,間接被政府牽住鼻哥走,所以應取消委任制,董事應由股東直接選出;另一個層次嘅問題就係香港冇普選,特首由小圈子選出,所以先至出現要向經紀界讓步嘅情況,因此要快啲全面普選特首。