24歲嘅應屆亞洲跳馬冠軍石偉雄，噚日喺馬鞍山體育館出戰全港競技體操公開及新秀比賽。有媽咪同家姐捧場嘅石仔，輕鬆奪得雙槓金牌、單槓銀牌，至於強項跳馬就因為比賽期間右肩舊患發作，所以只跳一次情況下三甲不入。石仔話，未來日子要多做物理治療，希望明年四月里奧測試賽可以好番。石仔未來三個月會到歐、亞集訓，有信心可以再幫香港爭取奧運資格。