陳伶俐2012年嫁新加坡隱形富豪胡嘉烈後人劉頌銘，兩人婚後育有一子，加上跟前夫林敏驄所生的兩個囝囝，已是三子之母。噚晚伶俐老爺、身兼多項公職嘅劉漢華太平紳士80大壽，喺灣仔會展會議廳舉行壽宴，到場賀壽唔少都係名人高官，包括保安局局長李家超，另外葉劉淑怡、「玩具大王」蔡志明等人都有到場。

伶俐噚晚滿場飛招呼賓客，今日接受《蘋果》訪問就笑住話：「其實壽宴好低調，估唔到都有人知㖭！咁都係開心事，祝老爺身體健康，繼續有型瀟灑啦！」問伶俐送咗啲咩俾老爺做生日禮物？佢就話：「係心意，唔使講出嚟。（有冇叫你送多個孫俾佢？）嘩，咁要叫老公全力以赴，我就盡量配合啦！」

更多娛聞，喺晒《娛果》
http://fb.com/appledailyent