【本報訊】立法會昨討論超支逾10億元的大嶼山小蠔灣廚餘處理廠，多位議員批評政府對項目費用估算錯誤，環境局辯稱初期預算是粗略預算，最終工程增設了廚餘預先處理、臭味控制、環境監察、污水處理和斜坡等多項工程，令造價大增。工程界議員盧偉國亦批評政府對設施複雜程度未有深入了解，委員會最終通過建議，將交由工務小組繼續討論。

議員斥低估複雜性

立法會環境事務委員會昨召開特別會議，小蠔灣廚餘處理廠由2010年不足5億元，急增兩倍至15.3億元。公民黨議員毛孟靜批評造價過高，「錢嗰到，係咪真係有可能再壓低少少？你見港台大樓話貴之後，可以減到7億」。盧偉國指政府低估廚餘廠複雜性，「單係設施本身價碼都3億幾，當時估計5億元肯定比較低」。
多位議員追問當時5億元估價的基礎，環境局副局長陸恭蕙承認政府未有當時造價估算的明細表，「我哋攞唔到嗰時數據出嚟，𠵱家砌番一個又唔係好恰當，所以呢個真係唔好意思」。局方指廚餘處理廠2016年落成後，將先向餐廳及食品工場收集廚餘。