著名設計師鄧達智（William）於6.9及6.16都和朋友上街遊行反送中，表達不滿。今日行政長官林鄭月娥現身政總向市民「黑面」致歉，未有正式宣佈撤回《逃犯條例》修訂草案。

William今日亦有全程睇直播，表示對林鄭道歉不收貨，他說：「道唔道歉，個創傷已經造成！佢起碼要撤回啦，唔係只係道歉，根本冇諗道歉嘅意義，真唔真誠都冇意義、冇關係。」

他覺得林鄭應該回應市民訴求：「先平反暴動字眼，唔否定6.12真係有人搞事，但嗰啲人其實係咩背景，真係冇人知喎。」對於林鄭拒絕下台，他則覺得冇計：「邊個肯嚟做呢個三煞位？要走，都要搵到下一個繼任人。佢繼續做住先，相信呢個係目前最可行的安排，冇辦法。」

-----------------------------
你撐蘋果 我捐$1
支援反送中抗爭者