韓國型男蘇志燮拍完韓劇《OhMyVenus》後一身輕，趁比較得閒，佢最近幫雜誌《GRAZIA》影封面同內頁靚相。

有別於以往永遠只影佢型同chok，蘇志燮今次搞搞新意思，要求拍出能展現自己個性嘅一面，當中包括戴上眼鏡嘅佢置身《迷你兵團》（Minions）世界，俟住迷你兵公仔又着晒拖鞋，另外又有佢瞓喺水晶球堆晒飛毛腿，真係童真返晒嚟。蘇志燮直認自己係迷你兵嘅fans，佢話：「有次偶然睇到迷你兵之後覺得好有趣，於是開始收集佢嘅嘢，不過未去到好宅嘅地步。」