當年今日

關仁隱事:邋遢渣渣割價冇人吼 - 關仁

蘋果日報 2007/09/22 00:00


嚟自北京嘅「帶渣渣」,一心諗住參加選美可以飛上枝頭,可惜佢遇人不淑,黐埋「慢梨」度,又成日度埋啲屎橋幫佢博出位,結果搞到自己形象cheap爆。
慢梨表面好照顧帶渣渣,除咗安排佢三餐一宿之外,仲不時介紹男人畀佢識,話說早前佢安排渣渣認識一個台灣商人,可惜渣渣完全冇顧及自己嘅儀容,當個男人近距離接觸過佢之後,立即畀佢蓬頭垢面、周身污糟嘅感覺嚇窒,就算渣渣𠵱家不停割價傾銷都冇人敢上門,慢梨呢排惟有係咁迫渣渣影性感相,又經常強調佢嘅處子之身,希望引起富商興趣,仲開價七位數字,認真想食人隻車,關仁真係覺得好惡心。
Textby關仁