當年今日
關於我們

【短片】【官恩娜變人妻】千金Ella愛發脾四 老公一味硬食

蘋果日報 2015/02/03 06:00

蘋果官恩娜醫生人妻港女ella已婚混血擺酒即時大溪地貝爾氏麻痺症珍珠大王中法混血

35歲嘅官恩娜低調成為人妻,同細佢兩年嘅中法混血醫生男友噚日在港結婚兼擺酒,今日兩口子仲已經飛咗去度蜜月,fans們就連講一聲恭喜都冇機會了。

今日有周刊為女神做咗個婚前專訪,官恩娜開心share同老公相識經過同籌備婚禮點滴,仲大爆老公雄厚家底。不過大家都好想知,呢位珍珠大王千金,究竟平時係點樣同老公(之前仲係男友)相處。但原來呢位千金,脾氣都真係……好需要一位能完全包容佢嘅另一半!

官恩娜不諱言謂,老公Domingo真係好錫佢,百分百體貼。去年官恩娜患上「貝爾氏麻痺症」,當時情緒極度低落,男友衣不解帶照顧。當時官恩娜想放鬆心情,於是飛去法國騎馬散心,但當時Domingo因為要返工,唔可以陪佢一齊去,但又擔心佢,於是幫女友pack好晒所需要嘅藥,俾女友帶去,點知官恩娜大發脾氣,話「咁大pack點拎喎!」

於是Domingo就細心咁將藥膏唧成細細支,總之啱啱好夠女友旅程用,仲人肉送上門。每次官恩娜唔舒服,Domingo都會第一時間去睇佢,寧願自己唔瞓唔休息。好似之前官恩娜懷疑屋企有「鬼」,都係搵Domingo嚟陪瞓,真係錫到佢燶。

官恩娜又話,試過有一排,工作好忙,同男友冇時間見面,心情自然唔好,借小事向Domingo發脾氣,又嗌分手又盛。明明男友嚟到屋企陪佢,但官恩娜心情唔好,二話不說就趕佢走,又嗌分手,令Domingo傷心欲絕,唔知自己衰乜。

除咗上述例子,官恩娜同Domingo拍拖之初,仲會約法三章,就係話,如果女方無緣無故發脾四,男友要盡一切努力氹番佢,否則女方只會越來越唔開心。Domingo當然照做,不過有時難免唔記得,或者根本唔知官恩娜嬲嬲豬,結果要官恩娜「提醒」番Domingo,叫佢氹番自己。

這些機會……