價錢：$60/2人份
需時：20分鐘
唔知係咪中國領導人多上海幫出身，國宴菜多選滬菜上枱！兼任香港中廚師協會會長嘅曾師傅表示：中國人講嘅貴價菜，不外鮑、翅之流，但可能近年保育意識強，魚翅、鮑魚都已經唔入國宴菜牌，剩下必食的當然係「參」，當中最上等首選是刺參；現時一般市價約$2,000-$3,000/100條（斤），如果家庭食用嫌太貴，可以買次等的豬婆參（$900/斤），不過口感當然冇刺參咁爽口彈牙啦！否則又點可做國宴菜式呢！

刺參4條、洋葱半個、肉葱半斤、亁葱半斤、蝦子適量、油2湯匙、醬油2湯匙、糖、生粉少許
肉葱$68/300克（b）
洋葱$6/斤（a）
蝦子$9/両（a）

1.先將刺參發透；
2.燒熱油，將三種葱下鑊爆香，加入蝦子；
3.加入刺參，用醬油、糖和生粉製成芡汁即可。

先用水將刺參浸一日，再用熱水焗一晚；焗後「啤」凍水，並掏清參內穢物，最後再以熱水焗一晚，刺參應可完全發透。另刺參一定要最後落鑊煮，只可略炒，才會爽口。

價錢：$50/2人份
需時：20分鐘
糟溜是經典的上海醬汁，是以蘋果加花雕發酵而成的酒，國宴級嘅上海菜冇咗佢簡直唔成事。曾師傅話，糟溜上海話意思是酒。佢話上海人下廚流行用酒，醉雞醉鴨樣樣都無酒不歡。但以糟溜的味道最為清香，可以帶出海鮮的鮮味，上海人視佢為上品！

鮮蟹箝4隻、雲耳8隻、葱段適量、糟溜汁4湯匙、上湯半碗、油4茶匙、生粉少許
鮮蟹箝$10/8隻（a）
雲耳$10/3両（a）
糟溜汁$15/500毫升（b）

1.先將鮮蟹箝拍上粉，燒熱油，下鑊爆香；
2.加入上湯煨熟；
3.加入糟溜汁、雲耳，再加葱段裝飾即可上碟。

雲耳要最後才落鑊，否則會煮得太腍不爽口。糟溜汁可於一般上海南貨店購買。

價錢：$30/2人份
需時：20分鐘（未計燜肉時間）
食正宗國宴上海菜，香燜南乳肉一定是必食之選。曾師傅講古仔，佢話幾百年前上海人就好識煮南乳肉，不少清朝上海官員日日都食這款菜。好食的南乳肉，其實不用有太多花巧功夫，最緊要肉靚、火候正，燜的時間適中，咁就最惹味！

五花腩1斤、南乳2件、油2茶匙、小棠菜4両、糖、鹽少許
五花腩$29.9/斤（c）
南乳$15/瓶（b）
油$19.9/900毫升（c）

1.五花腩肉切好，燒熱油，下鑊先爆香；
2.加入南乳、少許糖和鹽，和五花腩肉燜2小時至腍；
3.煮熟小棠菜，伴碟便成。

爆香五花腩肉時宜用中火，避免將肉炒得太熟，這樣五花腩至嫩滑。

價錢：$80/2人份
需時：15分鐘

細隻龍蝦1隻、西蘭花1棵、茄汁2茶匙、豆瓣醬2茶匙、油2茶匙、葱、蒜茸少許
龍蝦$148/斤（a）
西蘭花$11/2個（a）
豆瓣醬$10/支（b）

1.龍蝦洗淨起肉；
2.燒熱油，先將西蘭花炒熟，伴碟用；
3.龍蝦球下鑊走油；
4.再爆香葱、蒜茸；
5.用茄汁、豆瓣醬和蒜茸製成亁燒汁，加入龍蝦球炒勻即可上碟。

喜歡吃辣的話，可在亁燒汁中略加辣椒醬。

價錢：$50/2人份
需時：20分鐘

花膠1/2両、木耳4隻、笋1/2個、雞肉2両、豆腐半件、雞蛋1隻、雞湯2碗、荔枝醋5湯匙、辣椒油4茶匙、麻油、生粉、糖、鹽少許
花膠$178/斤（a）
木耳$1/両（a）
荔枝醋$10/500毫升（a）

1.花膠、木耳、雞肉、笋切絲，拖水；
2.放下雞湯，糖、鹽調味，再用生粉打芡；
3.放入豆腐絲，加入雞蛋汁；
4.加入荔枝醋、辣椒油、麻油便可。

最後先放入豆腐絲，可避免煮爛。

（a）銅鑼灣鵝頸橋街市
（b）銅鑼灣利園山道27號D老三陽
（c）銅鑼灣興利中心百佳超級廣場
＊以上價錢以7月20日為準