昨晚谷草賽事各參戰馬最新評分已公佈，其中於谷草1800米大勝對手逾兩身位之「友誼大使」加九分最多，其次係跨季四連捷之「喜多盈」，勝後加8分，最新評87分。評磅員對贏得遠馬匹加分多好合理，入位輸得遠通常亦唔加分，睇番今季輸兩身位以上跑第二之「進取」、「心理學家」、「珍珠有利」、「無敵劍俠」、「大將軍」、「威水福星」、「勁友福」及「正能量」全部都冇加分，偏偏周三晚輸二又四份一身位俾「友誼大使」跑第二之「紅駿」，賽後仍要加一分，似乎評磅員對「紅駿」睇得好高，即管睇吓再出可唔可以贏番場。