雖然利物浦同曼聯一向水溝油撈唔埋，好少會有紅軍人讚紅魔，但已經掛靴嘅前左閘懷斯，早前睇完死敵喺英超開鑼戰大炒韋斯咸四隻光蛋後，都忍唔住要畀個叻紅魔，仲讚佢哋今夏由車路士簽入尼曼查馬迪，係極好嘅收購。

懷斯仲攞埋另一位利記名宿夏文嚟講，話馬迪就好似紅魔嘅夏文一樣，串連起由守轉攻嘅重責，而且精於研究點樣犯規而唔使食牌，猶如場上嘅老狐狸一樣。