現年38歲嘅台灣歌手吳克群早前應台灣《蘋果日報》邀請，為「蘋果15周年微電影」進行拍攝。今次佢要回到人生最不堪嘅一刻、面對潦倒嘅當年，記得初出茅廬時唱片賣得超爛，還要兼職戴頭套扮人偶維生。同現在站穩樂壇仲做埋導演相比，可算是雲泥之別。拍攝當日烈日當空，重演周星馳電影《破壞之王》無敵加菲貓一幕，佢話：「要翻身，除了自己沒人能幫你。」

畢業於台藝大戲劇系嘅吳克群，集資1.3億元新台幣（約3,250萬港元）圓導演夢，要改編08年嘅創作曲《為你寫詩》成一部談「後悔」嘅愛情喜劇，描述跑龍套做臨時演員回到過嘅去人生。初執導筒，佢不斷被質疑：「你是唱歌的，會導戲嗎？」劇組每天仲有幾百個問題要抉擇，天秤座嘅佢有天生嘅選擇困難，唔識做決定，但心境依然豁達：「反正我就是從失敗開始的，做唱片到拍電影都談不上一帆風順，並非天生贏家。」

但佢諗唔到拍戲最大嘅關卡係吳媽媽，《為你寫詩》去年底開鏡，媽媽嘅病情每下愈況。吳克群要兩地奔波，睡眠時間嚴重不足：「常常我上一秒躲在房裡掉眼淚，下一秒就得開工去片場。不停問自己，這個夢想到底該追下去還是放棄？」其間吳媽媽病情一度好轉，吳克群可以放心去廣州拍片，不幸最終降臨：「那天中午放飯，接到我爸越洋電話，說媽媽的狀況不好，要我快點回去。等我趕到，她已失去意識。想起來就難過，如果早30分鐘，我說不定就能跟她說上話。」

喪母之痛後佢重整精神，改變心態：「什麼問題都大不過生死」，任何困難，勇敢面對，片場嘅難事奇蹟地迎刃而解。短片中有兩名要角，一個是焦頭爛額學習當導演嘅吳克群，另一個就係戴住大頭偶頭套跑跑跑、向前跑的臨時演員，代表追唔返過去嘅他，亦都象徵當年仲唔懂寫歌，創作曾一敗塗地的吳克群，佢話：「有一天你回頭，發現自己做過的事，打動過人，我覺得那就是一種成功。『吳克群』3個字可以被忘記，只要還有人因我寫的歌、我拍的戲而歡喜憂傷，一切就值了。」

影片提供：台灣《蘋果日報》

精選娛聞，喺晒《娛果》 http://fb.com/appledailyent